გარე აუზები, სპა-ცენტრი და სპორტული დარბაზი
კომპლექსის განსაკუთრებულ მშვენებას წარმოადგენს კლდეზე გადაკიდებული ღია საცურაო აუზი, რომლის კედლებიც გარედან ციხესიმაგრეს გაგონებთ.
ზაფხულში ვარძია-რეზორტში დასვენება და განტვირთვა არა მხლოდ მის ტერიტორიაზე განლაგებული წყალსატევებისა და მდინარე მტკვრის ნაპირებზეა შესაძლებელი, არამედ კლდეზე გადაკიდებული ღია ბასეინშიც, საიდანაც ვარძიის კლდეში ნაკვეთი ქალაქისა და თმოგვის ციხის უნიკალური ხედები იშლება. ასე თქვენ ერთბაშად მოახერხებთ მძიმე დღის დაღლილობისა და სტრესის მოხსნას.
ასეინის გვერდით მდებარეობს ბავშვების საჭყუმპალაო, რომელიც დიდად გაახარებს დასასვენებლად ოჯახებთან ერთად ჩამოსულ სტუმრებს.
თქვენს სამსახურშია თურქული აბანო და ფინური საუნა
ორთქლის აბანოში ყოფნის უჩვეულო თანმიმდევრობა თქვენი ჯანმრთელობის გაუმჯობესებისა და პოზიტიური გუნება-განწყობის საქმის საუკეთესო საშუალებაა. დაბალ ტემპერატურაზე მიმდინარე ორთქლის პროცედურები ერთნაირად რგებს როგორც მოზარდებს, ასევე ასაკოვან ადამიანებს.
ვარძია-რეზორტის კომპლექსი ყველა მსურველს ეპატიჟება აქ განლაგებულ თურქულ აბანოში, რომელიც აღჭურვილია თანამედროვე ტექნიკით და სტუმარს იმთავითვე დიდ სიამოვნებას ჰპირდება.
საყოველთაოდ ცნობილია, რომ ფინური აბანო სასიკეთოდ მოქმედებს მთელ ორგანიზმზე: ადუნებს მას, ეხმარება ადამიანს წონის დაკლებაში, კლავს მიკრობებს და ათავისუფლებს სხეულს ზედმეტი მავნე ნივთიერებებისგან.
სააბაზანო პროცედურების შესანიშნავი აპოთეოსი იქნება ბასეინში ბანაობა ან რელაქსაცია ჯაკუზიში. რადგან სწორედ ამ მომეტში, გრილ წყალში ჩაძირვისას შეიგრძნობთ სააბაზანო პროცედურების მთელ მომხიბვლელობას.
